तहसील कार्यालय ते काँलेज रोड दुरूस्ती करण्याची पाडेवार यांची मागणी,
परतुर( प्रतिनिधी)
परतुर शहरातील मुख्य रस्ता असलेला बसस्थानक , अग्निशामक दल, तहसिल कार्यालय ते काँलेज रोडवरील खड्डे बुजवून रस्ता दुरूस्ती करण्याची मागणी सामाजिक कार्यकर्ते अर्जुन पाडेवार यांनी उपविभाग आधिकारी परतुर यांच्या कडे एका निवेदनाद्वारे केली आहे,
दिलेल्या निवेदनात म्हटले आहे की परतूर शहरातील एकमेव असलेला मुख्य रस्ता म्हणजे तहसील कार्यालय ते कॉलेज रोड ,मार्गे जाणारा रस्ता हायवे ला जोडणारा आहे तो रस्ता अनेक दिवसांपासून खराब झालेला आहे, या रस्त्याच्या मध्यभागी जागोजागी मोठमोठे खड्डे पडले असून कोणता खड्डा चुकवा असे वाहन चालकांना कळत नाही या खड्ड्यांमुळे मोठा अपघात होण्याची शक्यता नाकारता येत नाही, तसेच शहरातून परतुर ते मुंबई बस सुरू झाली असून ,या खराब रस्त्यामुळे बस चालकाला बस चालवणे देखिल कठीण झाले आहे, रस्त्यावरील पडलेल्या मोठ मोठ्या खड्ड्यात घाण पाणी साचलेले असुन पाणी पादचाऱ्यांच्या अंगावर उडत आहे, सदर रस्त्याची दुरुस्ती तात्काळ करण्यात यावी अशी मागणी ही दिलेल्या निवेदनात अर्जुन पाडेवार यांनी केली आहे,
